Tantaran'ny Akademia Malagasy
...
Ny firongatry ny asan-jiolahy mampihorohoro vahoaka sy ny tsy fandriampahalemana marolafy eto Madagasikara
RASOLOFOMASY Simon Seta
Mitombo hatrany ny firongatra sy ny haherivaiky ny asan-jiolahy mampihorohoro eto Madagasikara ary
tsapa fa mitatra amin’ny fanafihana na fandrobana zava-baovao tsy mbola nisy teo aloha izany. Niova
fanafihana mitam-basy mahery vaika toy ny kalachnikov i zay basim-panjakana izany taty aoriana. Nitatra
amin’ny vaky fasana angalarana taolam-paty izany. Voatafika matetika ihany koa ny trano fivarotana sy ny
trano fonenana.
Tsy izany ihany fa mbola misy koa ny fandrobana olona varira sy olon-tsotra hakana ny voamasony.
Hitan’ny fokonolona matetika ny fatin’olona tapa-doha na fatin’olona tsy misy voamaso.
Mbola hita matetika ankoatra izany ihany koa ny fanafihana « cash-point » eny andrenivohitra ka matetika
dia maty voatifitra ny tompony sady lasan’ireo jiolahy ny vola be.
Ny tanjon’ity velakevitra ity dia fampahafantarana ny fijaliana mihatra amin’ny vahoaka sy fanintonana
lakolosy mba hamongorona haingana ny tsy fandriampahalemana.
Fomba ahoana no ahazoan’ireo jiolahy mpanafika ireo basim-panjakana fampiasan’ny tafika ?
Ilaina ny fandraisan’ny fanjakana andraikitra hentitra amin’ny fampiasana ny miaramila, zandary, polisy
sy ireo fitaovam-piadiana toy ny basy, helicoptère mba hiarovana ny vahoaka sy ny fananany fa tsy ho
sarisary fotsiny.
Tenizaha:
Asan-jiolahy, Madagasikara, kalachnikov, taolam-paty, varira, voamaso
04/09/2024
LA SOCIÉTÉ MALGACHE CONTEMPORAINE, MATRICE D’UNE VIOLENCE MULTIFORME
RAVELO Sophie Maria Angela Eugénie, RAVELO Bruno Eugène Maxime
Ny fahatakarana ny herisetra marolafy misongadina eto Madagasikara dia tsy hita afa-tsy amin'ny fijery
miompana amin'ny paradigma holistic, amin'ny alàlan'ny rafitra Parsoniana. Zava-dehibe ihany koa ny
famakafakana ireo singa ara-drafitra ao amin'ny fiaraha-monina amin'ny fomba cybernetic. Noho izany, ity
asa ity dia miompana amin’ ny fijerena ireo singa tsymety mitondra voka-tsoa- ary mitondra
nydian'nydinamika kolonialy - amin'ny alàlan'ny famakafakana empirika. Mba ho tonga amin’izany, dia
ilaina ny mahatakatra ny ankapobeny ny hetsika, amin'ny fijery Parsoniana, ary koa ny firafitry ny sosialy,
toekarena, politika, ary lalàna. Ny fanafodin’ity herisetra ity dia ny famelomana indray ny politika miaraka
amin'ny foto-pisainana manetsika mafy, ny fanavaozana ireo sehatra ara-tsosialy miteraka izany herisetra
izany. Eny tokoa, na dia nambara aza ny foto- kevitry ny demokrasia sosialy, ny sosialisma na ny
neoliberalisma, dia zara raha voarain'ny sarambabem-bahoaka izay tsy nentanin'izy ireo tamin'ny
famolavolana andrim-panjakana sy hetsika izany. Noho izany, tamin’ny Repoblika voalohany, dia tsy nisy
ny fiaraha-monina “social-demokratika”, na olom-pirenena “social-demokratika”, ary ankehitriny, tsy misy
fiaraha-monina “ultraliberal”, na olom-pirenena voaforona amin’io foto-pisainana io.
Tenizaha:
Herisetra,Rafitra,Rafitra sosialy,Tsy fahombiazana,Ideolojia politika
04/09/2024