Tantaran'ny Akademia Malagasy
...Tanjaka ara-tsakafon’ny lafarinin’akondro nangonina tao Anivorano Avaratra ary fampiasana azy mba hanamboarana ny sakafon-jaza
RANJANIRINA Anna Eléonore;RANDRIANANTENAINA Antoni;RAZAFIMAHEFA
Ny tanjona ankapoben’ity fikarohanay ity dia ny mba handray anjara amin’ny ady amin’ny tsy fanjarian-tsakafon-jaza eto Madagasikara. Ny tanjony manokana dia ny hanombanany tanjaka ara-tsakafon’ny lafarinin’akondro nangonina tao Anivorano Avaratra sy ny hampiasa io lafarinina io amin’ny fanamboarana ny sakafon-jaza antsoina hoe « Mamparisika ». Fitaovana sy fombamaro no nampiasaina mba ahafahana mamantatra ny toetran’ny lafarinin’akondro novokarina sy ilay lafarinin-jaza namboarina. Ao anatin’ny 100 g amin’io lafarinina « Mamparisika » io dia zavatra telo, izay samy manana ny lanjany, no nampiasaina: lafarinin’akondro milanja 57,96 g, patim-boanjo milanja 25,84 g ary vovo-dravin’Ananambo milanja 16,20 g. Io lafarinina « Mamparisika » namboarina io dia afaka manome angovo azo ampiasain’ny vatana 379,61 kcal/100 g, izay 10% dia avy amin'ny proteinina, 30% avy amin'ny lipidia ary 60% avy amin'ny gliosida. Noho izany dia manaja ny fenitra takiana ary mamaly ny filana ara-tsakafo tokony ho an’ny zaza 6 ka hatramin'ny 24 volana izy.
Tenizaha: Tsy fanjarian-tsakafon-jaza, Akondro, Ananambo, Patim-boanjo, Fanampin-tsakafo, Lafarinin-jaza, Anivorano Avaratra.
15/09/2023
Les potentialités socio-économiques des Régions de SAVA et DIANA pour le développement de Madagascar.
RASOLONJATOVO Sandratriniaina Clara;RABOTOVAOARINOSY Paliara
Feno harena voajanahary ny Faritry SAVA sy DIANA izay ahafahana manamafy ny fampandrosoana manokana ireo faritra ireo sy ny fampihenana ny fahantrana eto Madagasikara. Izy ireo dia sokajiana ho loharanon-karena an-tanety sy an-dranomasina, ka anisan’izany: ireo tahirin-javaboahary, ireo tany mety ho an’ny fambolena, ireo fari-dranomasina manodidina...izay tsara tokoa ho an’ny fampandrosoana ny sehatra - jono - fizahantany - fambolena. Tondro zotra voafaritra maromaro no naseho araka ny tatitra ara-toekarena nataon'ireo mpikaroka sy manampahaizana manokana, ho fanavaozana hanarenana ny toekarena ka ny mampiavaka ity asantsika ity amin’ireo dia noho izy miompana indrindra amin'ny fambolena sy ny jono. Ny anton’io safidy io dia satria ny 86%-n’ny mponina ao SAVA dia saiky miompana indrindra amin’ny fambolena sy ny jono ary ny fihazan-tany avokoa, ary ny 80%-n’ny mponina ao amin’ny faritr’i DIANA kosa indray dia mifototra manokana amin’ny fambolena. Ny tanjonay eto dia ny hanasongadinana ny anjara birikin’ny olom-pirenena, ho fandraisana anjara lehibe amin’ny fampandrosoana ara-tsosialy sy ara-toekarena eto Madagasikara. Ireo fomba nosafidiana hanatontosana ny fikarohana dia miompana indrindra amin’ny: ny fandraisana anjaran'ny tsirairay izay miainga eo anivon’ny fiaraha-monina fototra, ny fampiarahana ny fanao nentim-paharazana sy ny traikefa amin'ny fampiharana ny teknika maoderina, ary koa ny fampiasana ny NTIC hanafaingana ny fikirakirana ny loharanom-baovao mba ahazoana mamoaka vokatra sy mandray fanapahan-kevitra, eo ihany koa ireo tahirin-kevitra, ary koa ny fanohanana eo amin'ny lafiny fanatanterahana dia anisan’ireo fitaovana ilainaavokoa. Ny vokatra andrasana ary dia mahakasika ny fahatontosan’ny fampandrosoana iombonana miantraika mivantanaeo amin'ny faritra voasafidy ho amin’izany ka mba hanenika ny firenena iray manontolo, ary izany dia tsarain’ny kalitaon'ny toe-javatra iainan'ny fiaraha-monina.
Tenizaha:fampandrosoana ny tena, fahavitan-tena ara-tsakafo, fandriam-pahalemana, fiaraha-miasa, fikambanan-kery, fanatsofohana an-tsosialy
15/09/2023