Evaluation de la contamination microbiologique des aliments de rue dans la commune rurale de mantasoa
ANDRIANIRINARISOA Mialitiana Razafy;RAZANAMPARANY Julia Louisette;TSIRINIRINDRAVO Herisetra Lalaina
Ny
Eo amin’ireo firenena an-dalam-pandrosoana
toa an’I Madagasikara dia isan’ny mamaritra ny
tanan-dehibe ny varotra hanimasaka amoron-dalana.
Arak’izany, nohon’ny olana ara-pahadiovan’ireny
sakafo ireny dia efa maro ankehitriny ireo asa
fikarohana natao mahakasika ny tomban’ny
kalitaon’izy ireny. Ny asa fikarohana natao dia tany
amin’ny tontolo ambanivohitr’I Mantasoa,
kaominina iray manana fokontany 11 ary toera-
mpizahan-tany ankafizin’ny maro na ny avy eto an-
toerana na ny avy any ivelany. Ny tanjon’ny
fikarohana natao dia ny hahazoana tombana ny
amin’ny tahan’ny fahalotoan’ny hanimasaka amidy
amorondalana eo amina sehatra ambanivohitra mba
hanana fijery momban’ny kalitaon’ny
fahadiovan’ireo sakafo ireo. Fanadihadiana andiany
maromaro no natao nanomboka ny taona 2019 ka
hatramin’ny taona 2022 izay nahakasika ny
mpivarotra, ny mpividy, ireo mpiasan’ny tobim-
pahasalamana ary ireo tompon’andraikitra teo
anivon’ireo fokontany sy teo anivon’ny kaominina
tao Mantasoa. 70 ireo mpivarotra voaisa manerana ny
kaominina. Ny valin’ny fanadihadiana dia namoaka
fa 71% amin’ireo mpivarotra dia vehivavy avokoa
ary ny 60% dia mihoatra ny 40 taona. Ireo mpihinana
hanimasaka amidy amoron-dalana ksa dia saika
mahakasika ny salan-taona rehetra ary 10.13% dia
zaza latsaky ny 5 taona. Voamarika ihany koa fa tsy
foto-tsakafon’ny olona ao Mantasoa ny sakafo
masaka amidy amoron-dalana tahakan’ny hita an-
tanan-dehibe satria ny antony voalohany
hihinanan’ny olona any ambanivohitra ny
hanimasaka vidina dia atao odiambavafo (87%).
Nandritra ny fanadiadiana dia tsy nisy ireo nitaraina
fa narary vokatry ny fihinana ireo sakafo ireo. Efatra
ambiny telopolo karazana ny hanimasaka amidy ao
Mantasoa ary samy notilina avokoa. Hita tao
anatin’izany fa ny zato isan-jaton’ireo dia voaloto ary
voamarika manoka amin’izany ireo mikiraoba
manambara fa ny mpikarakara sy mpivarotra mihitsy
no mamindra ireo loto amin’ny sakafo amidy, ao koa
ireo mikiraoba manimba ny sakafo. Izany indrindra
no nahatonga ny kalitaon’ireo sakafo voamarika fa
tsy mahafapo. Ny kafe, izay zava-pisotro tena be
mpanjifa indrindra any Mantasoa, dia manana kalitao
azo ekena ho manakaiky ny fenitra. Hita tamin’ireo
valimpikarohana fa ambony ny tahan’ny fahalotoana
amin’ireo sakafo amidy amoron-dalana ao Mantasoa
anefa ny trangan’aretina azo amin’ny fihinana izany
kosa dia tena vitsy. Mampanahy ireo mpisehatra
amin’ny fahasalamana izany trangan-javatra izany,
izay tsy laharampahamehana amin’ny olona ao
Mantasoa akory. Manosika indrindra izany ny
handalinana kokoa ny toe-tsain’ireo mpanjifa
hanimasaka amin’ny tohin’ny fikarohana.
Tenizaha:fahalotoana, Kaominina Mantasoa,
hanimasaka, tontolo ambanivohitra, fitiliana mikiraoba, kalitaon’ny fahadiovana
27/10/2022