Les actions contributives à l’éradication des racines de la violence et de l’insécurité

Lasa tranga maneran-tany manahirana izao tontolo izao ankehitriny ny herisetra izay fihetsika mahery ampiharina amin’ny hafa. Miteraka fahaverezan’ny hasina ara-moraly sy sosialy io firohotra io ho an’I Madagasikara. Ny fahaverezan’ireo hasina ireo no mampirongatra ny herisetra anaty firenena, izay mitarika ny tranga tsy fandriam-pahalemana. Mipetraka ary ny fanontaniana. Karazana fitsipika mifehy ny fiainam- piarahamonina toa inona no tsy voahajaka mitarika izao savorovoro manakorontana ny fiaraha-monina izao? Ny fanadihadiana eto mba ho famaliana io fanontaniana io dia mifantoka aminin’ny fanamarinana ny tomban-kevitra fototra: “Mahomby amin’ny fiadiana amin’ny herisetra ny fahatakarana ny fomba firafitry ny fiaraha-monina”. Koa amin’izany ny tanjona eto dia ny ahitana ireo loharano sy ireo fiantraikan’ny tranga herisetra ary ny fandrosoana ireo karazana vahaolana mifandraika. Ny vokatry ny fandalinana dia maneho ny tsy fahaiza-mifehy ireo karazana fihetseham-po mitondra olana eo amin’ny fifandraisan’ny samy olona, ka voatombana amin’izany ny fikasan’ny olona iray sy ny fiantraikan’ny fanatanterahany izany. Ny fiakaran’ny taham-pilaminam-bahoaka no vokatra andrasana.

Tenizaha: Fandikan-dalàna, lalam-piarahamonina, fahatongavan-tsaina, fanabeazana

04/09/2024