UNIVERSITÉ, VIOLENCES, POUVOIR(S) : POUR UNE ÉTHIQUE DE LA COMMUNICATION

« Anjerimanontolom-panjakana vohitramasin’ny fahalalaham-pisainana, ny toe-tsaina tsy mpihinana am- bolony, ny fahalalana, ny fifampizaràna, ny lamin’ny fifandraisana… Tia karoka, malina, tompon’andraikitra, miantoka ny fandrindrana sy ny fihavanana, mba ho andrin’i Madagasikara misolanga indray », izany ny ho avy andrandraina amin’ny taona 2050. Ny tsikaritra anefa dia toa zary kilalaon’ny lokan’ady samihafa ny anjerimanontolom-panjakana: lokan’ady politika, lokan’ady ekonomika.. ary nanjary sehatra isehoana herisetra marolafy sy maro karazana : herisetra ara-batana, ara-teny, sotasota ara-tandindona, ankaso ara-tsaina, …amin’ny endriny mivantana na ankolaka. Herisetra izay mitsetsitra ny angovom-pivoarana sy manosihosy ny tandrohasin’ny anjerimanontolo. Ny fomba napetraka toy ny filalaovana foto-dalàna, ny ampihimamba sy ny didiko fe lehibe ary ny jadona ara-miaramila, dia namparefo ireo olombelona an’ivony sy nampitotongana ny hasina ananany. Tsy afa-nivaona tamin’ny FanjakazakandRavola ny anjerimanontolo. Toe-javatra azo heverina ho loza mananontanona raha tsy heverina sy lanjalanjaina tsara. Haifitrandraka ezahana ho hentitra, malina, stratejika no entina handrodanana izany fisainana mampikatso izany. Mitaky ny fahasahian’ny manjakavahoaka miivo amin’ny maha-olona hamehy azy ny fielezan’ny herisetra eran’izao tontolo izao. Asa vadi-drano tsy vita raha tsy hifanakonan’ny sain’ny rehetra izany, ary hirobona tokoa raha mifaka amin’ny hanitra nentin-drazana voakororoka sy voadinidinika, dia ny « Fiahiana ny manontolo na ny fifampitsinjovan’ny olombelona » (Dama-Ntsoha) izay hamaha ny fatorana… ka hivoy ny fanomezan-daka ny olombelon’ny anjerimanontolo amin’ny fanajariana ny habaka izay azy rahateo.

Tenizaha:

04/09/2024