CHEMINEMENT VERS UN CODE ÉTHIQUE CIVIQUE DIGITAL

Lasa nomerika ankehitriny ny herisetra eto Madagasikara. Miantraika amin’ny lafiny maro amin’ny fiainam-piarahamonina izany, indrindra eo amin’ny afiny ara-politika. Raha ny lahakevitry ny mpanohana sy mpanohitra fotsiny tsinona ohatra indraindray dia mihitatra hatreny amin’ny seraseran-tsosialy, izay lasa sehatraho an’ny mpifanandrina, « trolls », « ekstremista » ary vondrona pôlitika mikatsaka ny hanodina saim-bahoaka sy hanakorontana ny lamin’ny zotram-pifidianana. Noho izany dia lasa matetika loatra ny fanehoan-kevitra fanalam-baraka, ny fandrahonan’olona ary ny kabary politika feno fanenjehana amin’izao fotoana. Na izany aza, ny tambajotran-tseraseran-tsosialy toy ny « Facebook » dia mampiasa sivana isan-karazany amin’ny fiadiana amin’ireo mety teny fankahalana sy manebaka rehetra eo amin’ny sehatra misy azy. Ny sivana lehibe indrindra dia ny « Hate Speech Classifier », izay mitsimpina sy mamantatra ireo mety teny fankahalàna diso tafahoatra anaty lahatsoratra, fanehoan-kevitra na hafatra izay manohina sy manaratsy olon-tokana na vondron’olona noho ny tsy fitovizany amin’ny tena. Noho ireo, ahoana àry no hanamafisana izany fiarovana ara-nomerika izany? Raha toa ka mifantoka amin’ny fifandraisan’ny tsirairay sy ny famoronana kolontsaina etika ara-tsosialy, dia mety ho azo atao ny mampihena ny fihanaky ny herisetra politika nomerika. Ny fiaraha-miasan’ny andrim-panjakana, ny fiarahamonina sivily ary ny tsirairay ihany koa dia mety ho afaka manitsy ny fijery manoloana ity trangam-piharahamonina misandrahaka amin’ny seha-piainana manontolo ity. Izay no hatao dia entina anamafisana ny ady amin’ny herisetra ara-politika nomerika.

Tenizaha: Fanodikodinana, politika, herisetra ara-nomerika, serasera, Madagasikara, tamban-jotra sosialy

04/09/2024